Great Rich Property Agency Limited - Expert: Sham Shui Po, Cheung Sha Wan

樓巿檢閱之名城出閘誰與爭鋒

(陳永道) 2010年3月13日

行船爭解纜，樓盤我賣先，有這樣的諗法，肯定唔係長實，事關佢地賣樓，向來獨來獨往，正式有所謂佢地賣樓︳其它發展商會自動讓路。唔讓又點點，等死。好似大圍名誠即開閘，其它發展好似恒基同區的名家匯，突然陣腳大亂。

大家可能諗，各有各賣，應無問題。錯，事關呢次佢地賣的係高端樓，單位入場門檻最少都要一千萬，千萬元單位的買家，佔全港新盤買家不足百分之十，數目實在不多，加上名城係超大盤，總數有千幾個，單係佢地這個盤，就可以吸去百幾億資金，都咪話唔厲害。

相對名家匯而言，雖然己開始催谷搵客，但初步反應一般，原因可能係定價過份進取，其定價仲貴過同區新地的壹號雲頂，咁啲客見到呢個價，自然稍為猶豫。佢哋舉棋不定，可能仲要睇睇名城的訂價，因為佢地都知道，長實開盤，首批單位開價通常都會有折讓，如果係咁，可妨一等。

如果正如所料，長實會用後發先至策略去開盤，即先減後加，先減價去搶客及注目度，撻着個巿後再慢慢加價都未遲，如果唔想成為長實樓亡魂，其它發展商都係早賣着。