|
|
第一棍：大好友重出江湖
一向為地產市場大好友信和，今次高調出擊，取得西貢地王，每呎價要萬幾銀，呢次細地高價，對後市有大啟示，可見大地產商餓地，實行大小地都高價搶奪。
《誠報》講，地政署公布，西貢對面海康健路住宅地皮，以6.09億元批予信置（083）旗下子公司，每呎樓面地價達11,804元，批租期為50年。項目此前接獲18份標書，地政總署發言人指，中央投標委員會已授權地政總署把該幅用地批予出價最高的投標者。
第二棍：銷監出招糾正賣樓
一手賣樓手法層出不窮，咁貴產品有時真係消費者一肚氣，一手銷監局接受不少投訴，決定再出招優化，要發展商出消耗表，又要代理同售樓商公布多些入票資料，實行要多些資訊透明度。
《阿爺報》話，銷監倡廢先到先得賣樓，提5辣招加強規管，統一報數格式。一手住宅物業銷售監管局（銷監局）昨日趁一手新例實施兩周年之際，一口氣公布兩份作業備考、三項建議。銷監局專員馮建業表示，昨日已向發展商發出作業備考，要求6月起採用當局建議的「消耗表」範本，增加賣樓透明度。就「水飛」問題，當局將與地監局配合，日後亦將公布作業備考，規定發展商公布地產代理入票情況。另外，因先到先得的賣樓方式容易引起混亂，當局不建議再採用。
第三棍：大盤甩單多人爭
大盤甩單八伙單位，居然加時推出再賽，有一千幾票爭奪，呢個真係地產牛市獨有現象。
《小超報》報導，緻藍天撻訂貨137人爭1伙。長和（00001）牽頭發展的將軍澳緻藍天明天推售8伙撻訂戶，仍掀入票熱潮，項目僅昨天接受認購，共錄約1100票，即每137人爭購1伙；另中海（00688）土瓜灣喜點入票亦增至約2700張，超購47倍。
第四棍：牙籤樓全城蜂擁
市區牙籤地盤迷你樓，居然有五千幾飛認購，情況同新股氣氛差不多，而家資金多可靠投資產品少，難怪三球幾一伙迷你樓，真係爭到開巷。
《太公報》稱，喜點周日售164伙加價2%。挾入場三球促銷的中國海外（00688）馬頭角喜點，市場反應踴躍，餘貨112伙「晒冷」盡推，折實平均呎價15103元，個別加價1至2%，連同首批56伙，總數164伙（扣除四伙保留予市區重建戶買家）周日發售。
第五棍：大地產賣樓都講時機
賣樓買地都睇時機的恒隆，今次話明要推跑馬地豪宅項目，仲用招標形式，佢主席話明要同股東食盡樓價水平，睇市咁準是不預示豪宅又見頂，真係見仁見智。
《阿爺報》表示，陳啟宗：細價樓豪宅市道皆不俗。恒隆地產（0101）擬推出跑馬地藍塘道獨立屋項目。集團主席陳啟宗昨日出席股東會時被問及，是否因看好樓市而決定推盤，他回應稱「價好就推」。對於今年樓市前景，他稱難以評估現時樓市走勢，但預料細價樓及高價樓表現「都OK」，而中價樓表現則「麻麻地」。
|
|
