|
|
樓巿氣氛低沉了多個星期，成交量不斷下跌，主因是業主減幅未夠，但直至本周，情況有些改變，個別屋苑個別單位，減幅已達一成，準買家見獵心起，因此又開始蒲頭睇樓，所以周末日睇樓量有所回升。
利嘉閣地產研究部指出，周末預約睇樓客量再錄升幅。全港50個指標屋苑共錄2,305組客戶預約在周末睇樓，較上周末再升4.3%；客源方面，用家見上月樓價已下調，預期業主議價空間能再度擴闊，
港島區屋苑預約睇樓客量增幅最勁，9個指標屋苑周末兩日共580組準買家預約睇樓，數字較上周末增加7.4%；其中南豐新邨、鯉景灣及嘉亨灣更增加10%以上。
九龍區屋苑預約睇樓客量增加4.3%，20個屋苑當中有9個睇樓量有所增加，其中以德福花園增長最勁，達17%。
新界區屋苑的預約睇樓客量較上周平均回升1.3%，表現較為稍遜。21個指標屋苑共錄得955組準買家預約睇樓，當中只有3個屋苑錄得升幅。
睇樓人多了一點，不過他們只想執番啲平貨，因此當這一輪啲平盤被掃清後，個巿又會再靜番，直至下一批舉手投降。因此現時的回升，只是死貓彈。
|
|
